மரக்கன்றுகள் நடும் நிகழ்வு, மாவட்ட உரிமையியல் நீதிமன்ற வளாகம், இராமேஸ்வரம்

மாவட்ட உரிமையியல் நீதிமன்ற நீதிமன்ற வளாகத்தில் 2025 ஏப்ரல் 18ஆம் தேதி மரக்கன்றுகள் நடும் நிகழ்வு நடைபெற்றது. இந்த நிகழ்வானது இராமேஸ்வரம் பார் கவுன்சிலின் தலைமையில், நீதித்துறை, காவல் துறை, வருவாய் துறை மற்றும் வனத்துறையைச் சேர்ந்த அலுவலர்கள், குடிமக்கள் மற்றும் மக்கள் அமைப்புகளின் இணைந்த பங்களிப்புடன் நடைபெற்றது. இந்நிகழ்வின் நோக்கம் சுற்றுச்சூழல் விழிப்புணர்வை ஊக்குவிப்பதோடு, நீதிமன்ற வளாகத்தில் உள்ள பசுமைப் பரப்பை அதிகரிப்பதாகும்.

இந்நிகழ்வுக்கு மாண்புமிகு நீதிபதி திரு. ஜி. பிரபாகரன் அவர்கள் சிறப்பு விருந்தினராக வருகை தந்து மரக்கன்றுகளை நட்டுத் தொடங்கிவைத்தார். தனது உரையில் சுற்றுச்சூழல் பாதுகாப்பில் அனைவரது பங்களிப்பையும் வலியுறுத்தினார். மேலும், மரக்கன்றுகளை வழங்கியதற்கும், தொழில்நுட்ப வழிகாட்டலை வழங்கியமைக்கும் அருளகம் அமைப்பிற்குத் தனது ஆழ்ந்த நன்றியையும் பாராட்டையும் தெரிவித்தார்.

இந்நிகழ்வில், இராமேஸ்வரம் பார் கவுன்சிலின் தலைவர் திரு. மயில்சாமி, செயலாளர் திரு. ஹரிகரன், இணைச் செயலாளர் திரு. விமல்ராஜ், பொருளாளர் திரு. மாரிமுத்து, மூத்த வழக்கறிஞர்கள் அனீஸ் சோனியா, திரு. நம்பு மாரிமுத்து, திரு. வருண்குமார் மற்றும் பேராண்மை சட்ட உதவியாளர்கள் திரு. முருகேசன் மற்றும் திரு. மகேஷ் ஆகியோர் கலந்து கொண்டனர்.

காவல் துறையைச் சார்ந்த  காவல் கண்காணிப்பாளர் (DSP) திரு. சதாயந்த மூர்த்தி, ஆய்வாளர் திருமதி மகேஸ்வரி, துணை ஆய்வாளர்கள் திரு.மணிமாறன் மற்றும் திரு.குமார் ஆகியோரும் நிகழ்வில் பங்கேற்றனர். வருவாய் துறையைச் சார்ந்த மண்டல துணைத் தாசில்தார் திரு. அப்துல் ஜப்பார் கலந்து கொண்டார். தமிழக வனத்துறையைச் சார்ந்த  வன அலுவலர்கள் மற்றும் காவலர்கள் கலந்து கொண்டு மரக்கன்றுகள் நடும் பணியில் தங்களது ஆதரவைத் தெரிவித்தனர்.

அருளகம் அமைப்பின் பணியாளர்கள் இந்நிகழ்வில் முக்கியப் பங்கு வகித்து, மரக்கன்றுகளை வழங்கியதோடு, நடவு செய்யும் நுட்ப வழிகாட்டலையும் அளித்தனர். அருளகத்தின் பங்களிப்பை மாண்புமிகு நீதிபதி மற்றும் ஏற்பாட்டுக் குழுவால் வெகுவாகப் பாராட்டப்பட்டது. மேலும், உள்ளூர் மக்களும் நிகழ்வில் தீவிரமாக பங்கேற்று, சுற்றுச்சூழல் பாதுகாப்பில் தங்களது பங்களிப்பை வெளிப்படுத்தினர்.

 

இராமேஸ்வரம் நீதித்துறையைச் சார்ந்த பணியாளர்கள், இந்த நிகழ்வின் ஒழுங்கமைப்பு மற்றும் அமலாக்க பொறுப்பில் நன்கு செயல்பட்டனர். அவர்களின் ஒத்துழைப்பால் இந்நிகழ்வு சிறப்பாக நடைபெற்றது.

நிகழ்வின் முடிவில், அருளகம் அமைப்பிலிருந்து திரு. முகமது ஷாஹித் (ஆராய்ச்சியாளர்) அவர்கள் மாண்புமிகு நீதிபதி ஜி. பிரபாகரனுக்கு மணல்மேடுகள் பாதுகாப்பு விழிப்புணர்வுப் பதாகையை வழங்கி, மணல்மேடுகளை பாதுகாக்கும் அவசியம் மற்றும் சுற்றுச்சூழலிலும், கடலோர இடங்களிலும் அதன் முக்கியத்துவத்தை விளக்கினார். இதைத்தொடர்ந்து, நிகழ்வில் கலந்து கொண்ட அனைவருக்கும் விழிப்புணர்வு பதாகைகள் வழங்கப்பட்டன. இக்கூட்டத்தின் வாயிலாக மணல்மேடுகளைப் பாதுகாக்க வேண்டியதன் அவசியம்  வலியுறுத்தப்பட்டது.

இந் நிகழ்வு அரசுத் துறைகள், பொதுமக்கள் மற்றும் சமூக அமைப்புகளின் ஒருங்கிணைந்த ஒத்துழைப்பின் சிறந்த முன்னுதாரணமாகத் திகழ்கிறது. பசுமை பரப்புகளை மீட்பதற்கும், பொது நிறுவனங்களிலும் சமூகத்திலும் நிலைத்த பயனுள்ள நடைமுறைகளை ஊக்குவிப்பதற்குமான ஒற்றுமையை  வலியுறுத்தும் விதமாக அமைந்தது.